Psa 96 | YON | STEP | Yariman yaa yook yeeb wingkime. Okaddan korem, Yariman yaa yook wingkime.

Psalms 96

Yook 96

1 Yariman yaa yook yeeb wingkime.
Okaddan korem,Yariman yaa yook wingkime.
2 Yariman yaa wingkime, ye aningko kankoonime,
aronki mimim kuu bobni yaa burudande bindi ye kiwaan ongmoon ye weng amun dakmembirime.
3 Ye nambiri ye weng kuu ambibkin mimim korem yaa daandime,
ye ambangkenabi yeka mamaa kuu nimakarub korem yaa daandime.
4 Amborom kuuYariman kuu darewoob arimbed, ye aningko kankooni kumbedmo yimin,
kwane ye kuu unenimbon, god yena arebban.
5 Ambibkin mimimdan yi god korem kuu kuruwak godmo,
kumbanYarimanbed Eweniib ambidiib ongmenaboon.
6 Nambiriyiib dobiri manimanandewiib kuu ye yaambed meneboon,
kwane ye kuu ye kurikuri boyambiwoombed aromkonoyiib manimanandewiib doreen.
7 O ambibkin maa maa dabokniwendan korem,Yariman yaa ee andime,
Yariman kuu nambiriyiib aromkonoyiib kuyaa kuu ee andime.
8 Yariman yaningko kuu nambiri darewoowiib kowe kuyaa ee andime,
munob koni yemaniib kanmene ye kurikuri boyambib yu kuuk wirinimbon aom awudirime.
9 Yariman yaningko kankoonime, ye karadmo doreen kuu nambiriyiib kowe.
okaddan korem, ye arinambo ari une kiringmime.
10 Ambibkin mimimdan yaa yedmime, “Yariman kuu oone doreen.
Okad kuu kan ongme kowoone yumbon kamkonoyiib kereen kowe kan dewenebinban.
Kwane ye kuu ambibkin mimimdan yaa konomdangmo wengyundaneen.” andime.
11 Ambid kuu kubuko okad kuu kubi dowakeniib keruko
karamok baanduko karamok yu dingkan korem kangkon baandibko
12 mongkobon korem kubibko mongkobon yu kumkam kangkon kubibko
at kuu baandi yaa wengamberenib kwane kube wingkime.
13 Yi kuuYariman ye arinambo ari kwananiib, amborom kuu mananeen kowe.
Okad yu kumkam yaa wengyundok mananeen kii.
Ye kuu okad yu kumkam yaa yorokmo ye kerekmen yaambed wengyundene,
nimakarub korem yaa aadidmiyiibban anammo wengyundaneen.